Гарачае сэрца (16+)

камедыя ў 2-х дзеях
рэжысёр-пастаноўшчык Валянціна Еранькова
кампазітар Аляксей Еранькоў
мастак-пастаноўшчык Барыс Герлаван
Прэм'ера – 15.09.2022
Працягласць – 2 гадзіны 30 хвілін
Найбліжэйшыя паказы
  • 09
    снежня
    19:00
    Пт

Ці задумваліся Вы калі-небудзь, якое ў Вас сэрца?
Поўнае кахання і пяшчоты ці халоднае і асцярожнае? А можа параненае, але якое імкнецца да палёту? А калі яно гарачае?
     “Гарачае сэрца”! Менавіта так называецца новая пастаноўка Купалаўскага тэатра па аднайменнай п’есе А.Астроўскага.
      Падзеі, стасункі паміж людзьмі, якія адбываліся 100 гадоў таму, хвалююць нас і сёння! Выбар залежыць ад кожнага з нас! Каханне ці грошы? Годнасць ці сорам? І што рабіць, калі, як гаворыць адзін з галоўных герояў купец Кураслепаў: “Неба валіцца”? А калі ў Вас скралі вялікія грошы? А калі б - Вы скралі?
      Разбураныя адносіны, зламаныя лёсы, пошук праўды, жыццё ў вяселлі, ад якога становіцца часам страшна!
     І толькі адно гарачае сэрца галоўнай гераіні Парашы здольна змяніць жыццё кожнага. Бо трэба толькі паспрабаваць жыць па-людску!
      Нечаканае прачытанне п’есы А.Астроўскага ад рэжысёра-пастаноўшчыка, заслужанага дзеяча мастацтваў Рэспублікі Беларусь Валянціны Ераньковай.